من وقت التقديم الى ان تسكن في استراليا .. خطوات من الألف الى الياء

اخلاق عاليه · 02-22-2008, 12:11 AM

الخطوة الاولى

البحث عن الجامعات الاسترالية والدخول لمواقعها الاكترونية ومن ثم البحث عن البرنامج المطلوب وطبيعة المواد ومقارنة الجامعات للحصول على التخصص المرغوب والبرنامج الذي تفضله وتتمنى الاتحاق فيه ... وبعدها يتم تنزيل الابلكيشن الخاص وتعبئتة من نفس موقع الجامعه وتعبئته وارفاق النوذج + الاوراق المطلوبه من شهادات اكاديمية + توصيات + سجل اكاديمي + تعريف + صور الجوازات + نتائج الانجليزي ويمكن البحث عن هذه الجامعات عن طريق هذا الرابط الذي يسرد الجامعات المعترف فيها
رابط الخطوه الاولى :
الجامعات الأسترالية المعترف بها من وزارة التعليم العالي

الخطوة الثانية :

ضرورة الذهاب بجميع الاوراق والنماذج المعبئة لمكتب العطار وكلاء الــ IDP لتصديق الاوراق بختمهم المعتمد لدى كافة الجامعات
وهذا عناوينهم وارقام تلفوناتهم بالسعودية على ها الرابط : http://www.idp.com/saudiarabia/

الخطوة الثالثة :

الارسال عن طريق نفس مكتب العطار ... او اخذ الاوراق بعد التصديق من المكتب وارسالها بالبريد الممتاز او المسجل الى عنوان الجامعة الموجود بالابلكيشن اللي حملته من البداية من موقع الجامعة المرغوبة

الخطوة الرابعة :

بعد الحصول على القبول من الجامعة ... عليك ان تتقدم به للجهات المسؤولة سواء جهة الابتعاث او الوزارة مرفق معه الاوراق الضرورية للحصول على المووافقه على البعثه والحصول على الضمان المالي المهم جدا لاكمال اجراءات قبول العرض من الجامعة

الخطوة الخامسة :

بعد الحصول على الضمان المالي توجه فورا لمكتب العطار ... لانهاء اجراءات الحصول على شهادة تاكيد الاتحاق بالجامعة eCOE والمعهد علما بانه ممكن الحصول عليه مباشرة على الايميل من الجامعة او من العطار نفسه
الرابط المفيد للاستزاده للخطوات الخمس الاول على الرابط التقديم على الجامعات الاسترالية

الخطوة السادسة :

اجراءات التقديم وطلب الفيزا .... والمستندات اللازمة للتقديم والعطار راح يسوي كل شي لك وراح يوجهك عموما .... بس فيه رسوم حطها ببالك لازم تدفعها والرسوم مره وحده للابليكيشن اللي يضمك انت وعائلتك يعني انت وزوجتك وطفلك مثلا برسوم وحده لانكم كلكم بابلكيشن واحد اضافة الى رسوم التوصيل من مكتب ارامكس الى الملحقية الثقافية الاستراليه بدبي للي يبي يرسل اوراقه النهائية من ارامكس مو من العطار ... ومن ناحية الرسوم تقدر تلقاها على ها الرابط ةلا تنسى انك تبي (STUDENT VISA ) http://vfs.ae/feeandcategory.shtml

بعد ما توصل اوراقك وجوازاتك وصورك اللي المفروض انك عارفها من الرابط اللي عطيتك بالخطوات السابقة الى دبي ويقيمونها فاذا كل شي كامل وواصلهم طلبو منك اجراء الكشف الطبي لك ولافراد عائلتك والعطار برضو راح يشعرك بها الموضوع .... وين تسويه تضغط على الرابط التالي:
الفيزا الأسترالية

انا سألت ترانساد الطبي عن الاسعار وبلغوني ان البالغ : 750 ريال الزوجه : 500 ريال الطفل:200 ريال اضافة الى مبلغ 400 الى 430 ريال قيمة ارسائل نتايج الفحوصات لدبي عن طريق الفدكس والعيادات الاستشارية بالمملكه غالية شوي

الخطوة السابعة :

الحصول على التذاكر وقرار الابتعاث الرسمي اذا وديت لجهة الابتعاث صور الفيزا بجوازك ولا تنسى ان اهمية قرار الابتعاث هو لصرف مخصصاتك المالية اذا وصلت ... وطبعا فيه نماذج تعبيها وتخليها معك وترسلها بالبريد لعنوان الملحقية السعودية هناك
نماذج الملحقية على ها الرابط http://www.saudiinaustralia.com/?p=forms.htm

الخطوة الثامنة :

الان انت انتهيت من كل الامور داخل الديرة ... جوازاتك بالتأشيرات معك ...تذاكر السفر على مكتبك بالبيت موعد الحجز مؤكد تحتاج بس تحصل على معلومات دخول الجامعه وتواريخها على اساس تسجل اسمك بموقع جامعتك على الانترنت يحسبون حسابك ... تسأل وش اهمية الموضوع هذا .. اقول لك على اساس تتعرف على الاجراءات اللزمة مثل ما صار معنا بالجامعة للمستجدين .. يعني ابسطها لك بها النقاط :
** الحصول على اشعار الدخول للجامعة
** التعرف على مرافق الجامعة
** جدولك الدراسي ونماذج اضافة او حذف المواد اذا النظام يسمح لك
** اصدار البطاقة الجامعية كطالب وهذا جدا مهم لفتح حساب بنكي هناك وراح ان شاء الله احط رابط اهم واشهر البنوك اللي الكثير من الطلاب العرب والاجانب يتعاملون معها ويقدمون تسهيلات حلوه للطلاب وبرضو البطاقة مهمه لاستعارة الكتب من المكتبة بجامعتك ... لاستخدام المرافق ... للتخفيض بالمحلات والمراكز

كل ها المعلومات راح تلقاها بموقع الجامعة اللي بتروح لها ...

الخطوة التاسعة:

شحن الاغراض اللي تبي تشحنها ... من اجهزة منزلية اذا حاب .. او شنط كبيره .. او قطع اثاث اذا ما تبي تشتري ... وارجع لموقع الطلاب السعوديين باستراليا اللي عطيتك رابطه للاستزاده بوش الاغراض المسموحه والغير مسموحه للدخول
وتاكد قبل تشحن مناسبة تاريخ الوصول مع وصولك وافضل شي تكون وصلت بعد اسبوعين من وصولك لانك وقتها تكون لقيت الشقة اللي بتسكنها وراح اشرح كيف تلقى الشقة المناسبة ان شاء الله
عموما روابط بعض وكالات الشحن لبالسعودية هي الاتية :
Welcome to Al Muayed! ( المؤيد )
http://www.altayyargroup.com/index_a.asp ( الطيار )

الخطوة العاشرة :

قبل كم يوم من موعد الرحله ... لازم تعرف وين بتسكن مؤقتا على الاقل اسبوع زمان بفندق مرتب واسعار معقوله على حسب اختيارك ... اذا ما كنت تعرف احد ممكن يستقبلك او تجلس معه كم يوم لا تقلق ... هذا رابط مهم لموقع متخصص بايجاد الفندق المناسب لك وبمكان قريب من الجامعة حقتك بس لازم تكون اخذت الاحياء القريبه من جامعتك من نفس موقع الجامعة اللي انت فيها على النت عن طريقه ممكن تحجز كم ليلة تبي ووش نوع الغرفه ومتى تبيها عن طريق بطاقة الائتمان او الفاكس بس تاكد ان اول ليلة مناسبه لوقت وصولك ... فقبل تحجز شيك على الحجز ومتى بتوصل سيدني
هذا الرابط للسكن المؤقت بفنادق سيدني وغيرها

http://www.asiarooms.com بعد ما تحجز فيه وتاخذ اسم الفندق وباي حي ... وتكون معك الفوتشرات الخاصه بالسكن واللي ارسلوها لك بالايميل اول ما توصل المطار توقف لك تاكسي ويوديك للفندق وتسكن وترتاح باقي اليوم

الخطوة الحادية عشر:

ثاني يوم بعدما ارتحت شوي وروقت وشبعت نوم تنزل اللوبي او تسأل عن انترنت موجود بالفندق وتبدا تدور شقة مناسبة لك بالنت لا تتعب نفسك وتدور وتضيع هم هناك منسقين مره فتاخذ لك كوب شاهي او قهوه وتدخل المواقع التالية اللي هي اسهل واكثر المواقع فعالية لايجاد الشقة اللي على ذوقك وبرضو لا تنسى الورقة اللي سجلت فيها الاحياء القريبه من جامعتك لانك بتحتاجها مره ثانية هنا والمواقع الشهيره روابطها :
1- Real Estate, Property, Land and Homes for Sale, lease and rent - realestate.com.au
2- http://www.domain.com.au اذا اخترت الشقة ممكن ترسلهم ايميل او تكلمهم تحجزها ... يحددون لك متى ممكن تتفرج عليها وتدفع التامين وتدخل الكهرب والتلفون ونفس المكتب العقاري يساعدك بها

الخطوة الثانية عشر :

انت استأجرت الشقة الحين ... بس الشقة غير مفروشة غالبا ويبي لها اثاث حلو ومرتب وقتها تدخل او تزور موقع الفانتاستيك للاثاث وبصراحه اعجبني مره عندهم باكجات انيقة وكاملة وبسعر مره حلو تختار الاثاث اللي تبيه وتروح لهم تدفع وتعطيهم عنوان شقتك اللي استأجرتها واخذت مفتاحها ينقلون الاغراض لك وموقعهم Welcome to Fantastic Furniture - Advantages

موقع ايكيا
http://www.ikea.com/webapp/wcs/store...mebush_store#2
او ممكن اذا تعرف احد سعودي او خليجي بيرجع تشتري منه اثاثه بس بصراحه الاثاث الاسترالي المستعمل ما افضله تعرفون اكرمكم الله كلابهم وقطةاتهم وغثاهم على الاثاث وهي مجرد نصيحه

الخطوة الثالثة عشر :

تروح للجامعة لاجراءات التسجيل والحصول على جدولك الدراسي ومحاضراتك والحصول على البطاقة الجامعية اللي تفتح فيها حساب بالبنك وبعض الجامعات فيها فروع بنوك ممتازه وافضل البنوك الاسترالية ونذكر منها

National australian Bank
موقعهم على الرابط https://www.national.com.au/

Commonwealth Bank
موقعهم على الرابط Commonwealth Bank Group - Home Page

St George Bank موقعهم على الرابط St.George Bank - Welcome to St.George Bank - Retail and Business Banking

Westpac Bank وموقعهم على الرابط http://www.westpac.com.au/internet/p...nt/PB+HomePage

ANZ Bank وهذا رابطهم http://www.anz.com.au/

بس البنكين الاولين اللي هم البنك الاسترالي الوطني وبنك الكمونولث هم الاشهر والافضل من سؤالي وعموما ادخل وشف جامعتك فيه فرع لاي بنك او شف البنوك الاقرب لسكنك على الاقل ..

الخطوة الرابعة عشر :

اول ما تفتح الحساب البنكي وبعد ما تراجع الجامعه قبلها تاخذ جداولك وشهادة دخولك ومباشرتك وبطاقتك الجامعية الخ الخ الخ ... تقدر تعبي النماذج اللي حملتها من الملحقية وترسلها لهم بالبريد ومنها التفويض البنكي علشان تنزل مخصصاتك بالحساب وهي موجوده بالملتقى هنا

الخطوه الاخيرة :
الشقة واستأجرتها ... الاثاث ووصل ... الجامعة وضبطت وضعك ... الحساب وفتحته .. لا تنسى بس الاغراض اللي شحنتها من السعودية علشان يجهز البيت تماما ... وتبدا دوامك بالجامعة عادي جدا وبسهوله وكل الامور تمام الحمد لله ...

منقوووووووووووووووووووووول

Dr.MEME · 04-22-2008, 02:58 AM

تسلم أخوي أخلاق عاليه

الخطوات مررررره واضحة

وشكلها ممممممـ شكلها سهله ... يعني

ان شاء الله التطبيق يكون سهل نفس الشيء

ما أقول إلا الله يعين اخوي وخالي علي

بس أنا عندي أستفسار بسيط أخوي

أنا الحين بالخطوة السابعة <<< إن شاء الله تتيسر الأمور وأكمل بقية الخطوات بدون عراقيل

بالنسبة للخطوة الرابعة عشر هي مختصر جداً

هل هذا يعني أني ما أحتاج أروح لكانبرا علشان الملحقية الثقافية

يعني ما في أي اجرائات خاص بالمحرم أو شيء زي كذا وتطلب حضوره شخصياً للملحقيه

وعندي أستفسار ثاني

أنا أبي ألحق أخوي بالملحقية الثقافية ويصير مبتعث لانه مرافق وممكن يدرس معي

بس هل يشترطون الملحقية الثقافية الشروط نفسها اللي يشترطونها وزارة التعليم العالي

لأنه يبي يدرس تخصص صحي ومن الشروط في وزارة التعليم العالي أن يكون معدله فوق 90%

ولا يكتفون بقبولاته في الجامعة بأستراليا ويقدر بعدها يفتح ملف بالملحقية

وهل هذا يتطلب تبديل فيزته من فيزا مرافق إلى فيزا طالب ؟؟

وشكراً مره ثانية أخوي أخلاق عاليه

وأسفه إذا ثقلت عليك